Sol göz qapağının atması
Göz qapağının qeyri-ixtiyari atması tibbdə "miokimiya" adlandırılır. Əksər hallarda spazm bir gözün aşağı göz qapağında olur. Lakin bəzən bu yuxarı göz qapağında da müşahidə oluna bilir. Bu hal, yəni sol gözün atması qəfildən başlayır və tez də qurtarır. Ancaq bəzən əks hal yaşana bilir. Belə ki, bəzən həkim müdaxiləsi lazım ola bilər. Bir neçə həftə, hətta bir neçə ay ərzində davam edən sol gözün atması zamanı həkimə müraciət etmək lazımdır. Beləliklə, səbəb daha tez müəyyənləşəcək və laızm gələrsə, müalicəyə başlanılacaqdır.
Sağ gözün atması
Sağ gözün atması, tibbi dildə göz səyriməsi olaraq tanınan bir vəziyyətdir. Qəfildən başlayan gözün atması bir neçə saniyə, hətta dəqiqələr boyunca davam edə bilər. Sağ gözün atması ümumiyyətlə ciddi bir xəstəliyin göstəricisi olmasa da, davamlı təkrarlanması və uzun müddət keçməməsi müəyyən sağlamlıq problemlərindən xəbər verə bilər. Bu vəziyyətdə göz həkimi və ya nevroloqa müraciət etmək mütləqdir. Göz sağlamlığınızı qorumaq üçün stressdən uzaq durmaq, düzgün qidalanmaq və mütəmadi olaraq gözlərə istirahət vermək ən yaxşı addımlardır. Unutmayın ki, göz səyriməsi tez-tez təkrarlanırsa, bu vəziyyəti ciddiyə alaraq vaxtında mütəxəssisə müraciət etmək lazımdır.
Göz qapağında tikin səbəbləri olaraq:
- Stress
- Yorğunluq
- Yuxusuzluq
- Göz yorğunluğu
- Kofein və alkoqollu içkilərin qəbulu
- Quru göz sindromu
- Qidalanmada maqnezium və kalsium kimi mikroelementlərin çatışmazlığı və s. göstərmək olar.
Miokimiyadan əziyyət çəkən insanlar kifayət qədər yatmalı və dincəlməli, gözə olan gərginliyi məhdudlaşdırmalı, stress vəziyyətlərindən uzaq olmalıdır.