Autoimmun Balans:Autoimmun xəstəliklərdə balanslaşdırılmış Vitamin və mineral yoxlaması
Bu Check-up paket niyə əhəmiyyətlidir?
Kompleks analizlər autoimmun xəstəliklər zamanı vitamin və mineral çatışmazlıqlarını müəyyən etməyə imkan verir.
Check-up paketə daxil olanlar:
- Vitamin A
- Vitamin E
- Vitamin B9
- Sink,Zn
- Vitamin B6
Vitamin B9 (Folat):Vitamin B9-un orqanizmdəki əsas funksiyası metil qrupunu (CH₃−) daşımaq qabiliyyətidir. Bu, DNT-nin və bəzi amin turşularının (məsələn, qlisin, metionin) sintezi zamanı həyata keçirilən mühüm reaksiyalardır.
Fol çatışmazlığı (hipovitaminoz) zamanı DNT-nin sintezi ləngiyir, anomaliyalı və qeyri-stabil DNT molekulları yaranır. Bu isə timin nukleotidlərinin uridinlə əvəz olunması nəticəsində DNT-nin tez dağılması ilə nəticələnir.
Belə bir pozğunluq ilk növbədə tez-tez yenilənən hüceyrə və toxumalara – qan və epitel toxumalarına təsir edir. Məhz bu səbəbdən fol turşusu çatışmazlığının klinik əlamətləri əsasən bu sistemlərlə bağlı olur.
Vitamin B6 (Piridoksin):Revmatoid artrit, çölyak xəstəliyi, Kron xəstəliyi, qeyri-spesifik yaralı kolit – bu kimi autoimmun xəstəliklər B6 vitamininin çatışmazlığı riskini kəskin şəkildə artırır.
Sink:Sink çatışmazlığı limfositlərin formalaşması, aktivləşməsi və yetişməsi proseslərinə mənfi təsir göstərir. Bu zaman hüceyrəvi immunitet zəifləyir.
Bir sıra tədqiqatlar sinkin aşağıdakı infeksiyaların müalicəsində faydalı olduğunu göstərmişdir:
- viral infeksiyalar (kəskin bağırsaq infeksiyaları, hepatit C, HIV),
- bakterial infeksiyalar (şigellyoz, Helicobacter pylori),
- parazitar invaziyalar (leyşmanioz, malyariya),
- autoimmun xəstəliklər (1-ci tip şəkərli diabet, revmatoid artrit).
Vitamin A (Retinol):Vitamin A aşağıdakı funksiyalar üçün vacibdir:
- normal görmə qabiliyyəti,
- immunitet sisteminin fəaliyyəti,
- embrional inkişaf,
- dəri və selikli qişaların bütövlüyü və artımı,
- sümük inkişafı,
- göz fotoreseptorlarının əmələ gəlməsi,
- gözün və digər selikli qişaların qorunması.
Vitamin A çatışmazlığı gecə korluğu, göz toxumalarının zədələnməsi, ağır hallarda isə tamami ilə korluq ilə nəticələnə bilər.
Vitamin E (Tokoferol):Vitamin E-nin əsas funksiyası antioksidant müdafiədir və sərbəst radikalların zərərli təsirini neytrallaşdırır.
Bundan başqa:
- qan hüceyrələrinin (trombositlərin) damar divarına yapışmasının qarşısını alır,
- qan dövranını yaxşılaşdırır,
- damar tıxanması və laxtalanma (tromboz) riskini azaldır,
- damarların elastikliyini qoruyur və ürək-damar xəstəliklərindən qorunmağa kömək edir.
Check-up müayinələr üçün onlayn qeydiyyatdan keçmək mütləqdir.
(+994 55)4000910 whatsapp və ya (012) 910 Çağrı mərkəzi ilə əlaqə saxlayıb ətraflı məlumat ala bilərsiniz.
